It-tiswir tal-Istorja: Niddokumentaw il-Covid
Niddokumentaw il-pandemija f'livell Pan-Ewropew
Fil-bidu tal-2020, Dar l-Istorja Ewropea bdiet proġett ta' ġbir ta' evidenza tal-ħajja fl-Ewropa matul il-pandemija tal-COVID-19, li jiffoka fuq il-fenomeni tas-solidarjetà, it-tama u l-bini tal-komunità. Il-galleriji hawn taħt juru firxa ta' oġġetti dokumentati u mogħtija lill-kollezzjoni tagħna.
Għażla minn dawn tpoġġiet għall-wiri fil- “Fables Room” tal-mużew minn Ġunju sa Diċembru 2020.
L-istrixxuni bil-qawsalla "Kollox se jkun sew"
Fl-Italja, in-nies bdew jagħmlu strixxuni b'qawsalla u dan il-messaġġ ottimist: Andrà tutto bene (Kollox se jkun sew). Huma poġġew l-istrixxuni fit-twieqi u dendluhom mal-gallariji, b'mod li kkomunika b'mod kollettiv il-ħsieb pożittiv lejn sitwazzjoni diffiċli. Dawn jirriflettu l-espressjoni Cantonese "jiayou" , li tfisser "taqtax qalbek", li dehret iċ-Ċina fil-bidu tal-pandemija.
L-istrixxuni bil-qawsalla faqqsu fl-Ewropa kollha u sara waħda mis-sekwenzi l-aktar prominenti ta' kliem assoċjat mal-pandemija tal-coronavirus.
Strixxun Andrà tutto bene (Kollox se jkun sew), magħmul minn familja f'Eboli, fin-Nofsinhar tal-Italja, 11 ta' Marzu 2020.
Strixxun bil-qawsalla I see your true colours shining through (Qed nara l-karattru veru tiegħek joħroġ), magħmul minn Smaranda (ta' 9 snin) u mdendel fit-tieqa tat-triq tagħha f'Bournemouth, ir-Renju Unit, 3 ta' April 2020 © Ana-Maria Rampelt.
Strixxun Tout ira bien (Kollox se jkun sew), imdendel mal-ħitan tal-Iskola Nru 16 f'Schaerbeek, Brussell, il-Belġju, Marzu - Mejju 2020.
Iċ-Ċentru tar-Riċerka u t-Taħriġ tal-Università tat-Tramuntana għamel ġbir ta' fond biex jiġi megħjun l-isptar tal-kontea f'Baia Mare fir-Rumanija. Il-voluntiera ġabru l-fondi għall-produzzjoni ta' 310 maskri protettivi, imżejna b'din l-isticker, u żewġ ventilaturi.
Strixxun bil-qawsalla muri minn familja Ungeriża-Taljana fi Brussell, Frar-Ġunju 2020.
Il-fruntieri tal-pandemija
Il-moviment liberu ħa daqqa ta' ħarta qawwija waqt il-lockdown. Reġgħu tfaċċaw il-fruntieri li kienu ntesew u ħafna Ewropej sabu ruħhom mifrudin mill-familji tagħhom. L-abitanti ta' bliet fil-fruntieri rreaġixxew bi kreattività, xogħlijiet artistiċi u protesti siekta kontra din il-limitazzjoni fuq il-moviment liberu.
F'nofs Marzu 2020 tfaċċa ċint għoli tal-ħadid li fired l-ispazju aħdar miftuħ maġenb il-lag bejn il-belt Ġermaniża ta' Konstanz u l-belt Żvizzera ta' Kreuzlingen. Ftit wara saret protesta siekta kontra l-għeluq tal-fruntiera. L-organizzaturi stiednu lil kull min intlaqat mill-miżura jew xtaq jipparteċipa b'solidarjetà biex jaħsbu f'xi ħaġa li setgħu jġibu magħhom: ritratt, ittra, katnazz, jew kwalunkwe ħaġa kreattiva oħra. L-istedina kienet tgħid: "Ġibu biss affarijiet pożittivi. L-ebda provokazzjoni u l-ebda żibel".
Strixxun fil-fruntiera Pollakka Stýská se mi po tobě Čechu (Qed inħoss in-nuqqas tiegħek Ċek).
Fl-20 ta' Marzu 2020 saret azzjoni spontanja tul il-fruntiera bejn il-Polonja u ċ-Ċekja. Il-bliet ta' Cieszyn u Český Těšín, li normalment huma konnessi permezz ta' pontijiet matul ix-xmara Olza, ġew imblukkati b'kontrolli fil-fruntieri. Bħala reazzjoni għal dan, grupp ta' abitanti Pollakki u Ċeki għamlu strixxuni fuq iż-żewġ naħat tax-xmara b'messaġġi li ddikjaraw li qed iħossu n-nuqqas ta' xulxin.
Id-drittijiet fundamentali waqt il-lockdown
Il-lockdown fl-Ewropa xi drabi kien ifisser limitazzjoni tad-drittijiet fundamentali. Iżda n-nies sabu modi kif isemmgħu leħinhom.
F'April 2020, fil-Polonja kienet se ssir votazzjoni dwar liġi li kellha tagħmel l-abort u l-edukazzjoni sesswali illegali. L-umbrelel suwed, li kienu saru s-simbolu tal-ġlieda favur il-ħarsien tad-drittijiet tan-nisa fil-Polonja, ma setgħux jintużaw fi protesti fiżiċi. Minflok, id-dimostranti ngħaqdu bl-umbrelel f'idejhom fi kju f'supermarket, li kien l-uniku spazju pubbliku disponibbli għal diversi persuni fl-istess waqt. Dimostranti oħra ħarġu kartelluni u umbrelel suwed fil-gallariji u fit-twieqi tagħhom. Finalment, il-votazzjoni dwar il-liġi kontra l-abort ġiet posposta.
Mogħtija lil Dar l-Istorja Ewropea, Brussell.
Borma mgħattna użata fil-protesta kontra l-miżuri tal-lockdown f'Madrid, Spanja, Mejju 2020.
Rispons kreattiv
Il-ħolqien u t-tgawdija tal-arti kellhom rwol ewlieni fl-esperjenza tal-lockdown. It-tfal u l-adulti esprimew diversi sentimenti permezz ta' tpinġijiet, poeżiji jew mużika. Iddokumentaw il-ħajja tagħhom ta' kuljum permezz ta' proġetti skolastiċi u ta' studju. Xogħlijiet artistiċi oħra saru biex jappoġġaw lil ħbieb jew qraba tagħhom.
Ktieb ta' tpinġijiet "Rappreżentazzjoni grafika qasira ta' termini użati b'mod frekwenti waqt l-epidemija tas-Sars-Cov-2', Carmela del Casar Ximénez, Marzu-Mejju 2020, Madrid, Spanja.
"Wieħed mill-aktar effetti komuni tal-Covid-19 hu l-qtugħ ta' nifs u problemi tan-nifs, madankollu din il-marda kkawżat ukoll soffokazzjoni f'ħafna aspetti oħra tal-ħajja ... diversi drittijiet tal-bniedem garantiti b'mod kostituzzjonali ġew imrażżna f'ħafna pajjiżi Ewropej waqt il-kriżi tal-corona, u dan ikkawża soffokazzjoni soċjali għal eluf ta' ċittadini." Anna Vasof
Coronavirus, Coronavirus, niddiżinfettaw idejna,
Kollox beda miċ-Ċina.
Coronavirus, Coronavirus, id-dinja kollha titlob lil Alla,
U aħna kollha msakkrin f'darna.
Coronavirus, Coronavirus, nappoġġaw il-ħidma tat-tobba,
Tant ġenerużi u qalbiena,
Prezzjużi daqs id-deheb!
Coronavirus, Coronavirus, aħna kollha qed naħslu jdejna,
Nittama li daqt inkunu nistgħu nitgħannqu.
Il-kuruna murija fuq il-virus tagħmel referenza għall-kelma "corona", li bit-Taljan tfisser kuruna.
Sara Roloff, mara Żvizzera li tgħix Londra, qasmet l-istorja tagħha dwar il-battalja mal-Covid-19 fil-forma ta' djarju. Leon (9) u Felix (6), ulied ta' ħbieb Belġjana ta' Sara, għamlulha din it-tpinġija biex iħeġġuha tkompli tiġġieled. Din it-tpinġija, flimkien mal-istorja ta' Sara, saru għodda li tispjega l-virus lit-tfal u lil persuni oħra li xtaqu jgħinu lil xi ħadd għaddej mill-istess diffikultajiet u jtaffulu l-ansjetà tiegħu.
Mogħtija lil Dar l-Istorja Ewropea, Brussell.
Il-persunal mediku: l-eroj il-ġodda
Sa mill-bidu tal-pandemija tal-COVID-19, il-ħaddiema tas-saħħa kienu fuq quddiem nett. Fl-isptarijiet, u fis-settur tal-kura b'mod ġenerali, ħafna ħaddiema tilfu ħajjithom minħabba xogħolhom, ħafna drabi minħabba n-nuqqas ta' tagħmir protettiv suffiċjenti. L-infermiera u t-tobba huma deskritti litteralment bħala s-supereroj il-ġodda taż-żminijiet imqanqla tagħna.
Fir-Rumanija, aġenzija tal-komunikazzjoni ġietha l-idea li tirrappreżentahom bħala qaddisin u allat, imnebbħa minn diversi ikonografiji relġijużi (li qanqlu r-rabja ta' xi mexxejja reliġjużi).
Anki bħala eroj jew qaddisin, il-ħaddiema mediċi kienu wkoll soġġetti għall-biża' u n-nuqqas ta' fiduċja. F'diversi pajjiżi Ewropej, il-mezzi tax-xandir irrappurtaw atti ta' diskriminazzjoni jew aggressjoni kontra persunal mediku, pereżempju minn ġirien li beżgħu li setgħu jiġi infettati bil-marda. B'xorti tajba, dawn l-atti sikwit ġew newtralizzati minn testimonjanzi ta' appoġġ u ta' solidarjetà.
Mogħti lil Dar l-Istorja Ewropea, Brussell.
Anki bħala eroj jew qaddisin, il-ħaddiema mediċi kienu wkoll soġġetti għall-biża' u n-nuqqas ta' fiduċja. F'diversi pajjiżi Ewropej, il-mezzi tax-xandir irrappurtaw atti ta' diskriminazzjoni jew aggressjoni kontra persunal mediku, pereżempju minn ġirien li beżgħu li setgħu jiġi infettati bil-marda. B'xorti tajba, dawn l-atti sikwit ġew newtralizzati minn testimonjanzi ta' appoġġ u ta' solidarjetà.
Mogħti lil Dar l-Istorja Ewropea, Brussell.
Anki jekk primarjament kellhom kliem ta' ringrazzjament għan-nies li wrewhom appoġġ permezz ta' diversi azzjonijiet, il-ħaddiema tas-settur mediku pprotestaw ukoll fuq skala kbira ħafna u fil-kontinent kollu kontra n-nuqqas ta' protezzjoni li għamlithom estremament vulnerabbli għall-virus.
Mogħti lil Dar l-Istorja Ewropea, Brussell.
Solidarjetà fil-Prattika
Meta naħsbu dwar it-tifqigħa tal-kriżi tal-COVID19, se niftakru dwar in-nuqqas ta' provvisti ta' materjal protettiv, mhux biss għall-pubbliku ġenerali iżda wkoll għall-ħaddiema mediċi. In-nuqqas ta' maskri, ilbies u tagħmir protettiv ieħor ikkawża sitwazzjonijiet drammatiċi f'ħafna pajjiżi Ewropej. Madwar il-kontinent, dawn l-emerġenzi nebbħu liċ-ċittadini biex jagħtu għajnuna fuq bażi volontarja sabiex joffru rimedji malajr kemm jista' jkun.
Madwar il-kontinent, l-emerġenzi ta' materjal protettiv servew biex inebbħu liċ-ċittadini. Minħabba l-iskarsità tal-provvisti mediċi, minn tagħmir protettiv għal ventilaturi li jistgħu jsalvaw il-ħajja ta' persuna, is-sidien ta' stampaturi 3D qed joffru li jipproduċu verżjonijiet orħos u li jistgħu jsiru aktar malajr, u dawn diġà qed isalvaw il-ħajjiet. Skopri xi eżempji ta' solidarjetà, bini tal-komunità u kreattività fl-indirizzar tal-pandemija.
Meta l-provvisti mediċi kienu skarsi, is-sidien tal-istampaturi 3D fl-Ewropa bdew jipproduċu verżjonijiet irħas, li mbagħad twasslu malajr lill-professjonisti mediċi.
Il-kumpanija tad-disinn Bulgara "Love 2 Design" ingħaqdet mal-inizjattiva ´#ЗАДОБРОТО´ (#IT-TAJBIN). Bosta persuni li kellhom stampaturi 3D ipproduċew tarki protettivi tal-wiċċ għall-ħaddiema mediċi l-aktar esposti.
Mogħtija lil Dar l-Istorja Ewropea, Brussell.
Il-ħaddiema mediċi u professjonisti oħra, bħall-carers fid-djar tal-kura, kienu qed iħabbtu wiċċhom ma' nuqqas ta' ġagagi protettivi. Persuni bil-ħiliet meħtieġa offrew l-għajnuna tagħhom u sikwit irnexxielhom jipproduċu kwantitajiet kbar ta' ħwejjeġ bħal dawn.
F'Madrid, grupp ta' voluntiera organizzaw ruħhom u bdew iħitu l-ġagagi protettivi. Ħafna individwi, ħafna minnhom anzjani, li kellhom magna tal-ħjata d-dar, taw daqqa t'id ukoll. Huma kkoordinaw il-produzzjoni u qassmu l-ġagagi b'logo ta' qalb lill-isptarijiet, l-għases tal-pulizija, il-ħaddiema tat-tifi tan-nar jew il-persunal tal-amministrazzjoni pubblika.
Mogħtija lil Dar l-Istorja Ewropea, Brussell.
Il-ħaddiema mediċi u professjonisti oħra, bħall-carers fid-djar tal-kura, kienu qed iħabbtu wiċċhom ma' nuqqas ta' ġagagi protettivi. Persuni bil-ħiliet meħtieġa offrew l-għajnuna tagħhom u sikwit irnexxielhom jipproduċu kwantitajiet kbar ta' ħwejjeġ bħal dawn.
F'Madrid, grupp ta' voluntiera organizzaw ruħhom u bdew iħitu l-ġagagi protettivi. Ħafna individwi, ħafna minnhom anzjani, li kellhom magna tal-ħjata d-dar, taw daqqa t'id ukoll. Huma kkoordinaw il-produzzjoni u qassmu l-ġagagi b'logo ta' qalb lill-isptarijiet, l-għases tal-pulizija, il-ħaddiema tat-tifi tan-nar jew il-persunal tal-amministrazzjoni pubblika.
Mogħtija lil Dar l-Istorja Ewropea, Brussell.
Il-maskri mediċi kienu skarsi kullimkien, minkejja li kienu meħtieġa għall-professjonisti li kienu qed jaħdmu mal-pazjenti tal-COVID-19 fl-isptarijiet. F'diversi pajjiżi Ewropej, b'mod spontanju u fi spirtu ta' solidarjetà, ħafna nies ħadu l-inizjattiva u bdew jipproduċu maskri tad-drapp magħmulin id-dar, biex jużawhom huma stess u biex jagħtuhom lil ħaddieħor, għalkemm kien hemm evidenza xjentifika konfliġġenti dwar l-effikaċja tagħhom. Xi persuni żviluppaw filtri speċjali u għenu biex tjiebet l-effikaċja ta' maskri bħal dawn.
Se jingħataw lil Dar l-Istorja Ewropea, Brussell.
Pandemic Soundscapes
How did Europe sound during the coronavirus pandemic? What connects the lockdown experience across the continent? This sound composition created by Mara Maracinescu features 21 distinct recordings from 17 European countries, made between March and May 2020 during the first European COVID-19 lockdown.
The main purpose of the research and resulting composition was to trace the impact of the lockdown on European soundscapes: new rituals or types of gathering that appeared; changes in the ambient soundscape, due to lower traffic, or the amplified presence of the State’s voice, for example through loudspeakers.
"Pandemic Soundscapes"
Sounds across Europe during the coronavirus pandemic