Dan Perjovschi: djalogu bejn it-tpinġijiet u l-kartelluni
Il-ftuħ tal-wirja temporanja ta' Dar l-Istorja Ewropea "When Walls Talk!" (Meta l-Ħitan Jitkellmu) f'April 2022 ġiet iċċelebrata bil-preżenza tal-artist ta' fama internazzjonali, Dan Perjovschi, li ħadem direttament fuq il-ħitan tal-mużew u ppreżenta tpinġijiet fl-istil inimitabbli tiegħu.
Dan Perjovschi rritorna wkoll fil-mużew għat-tieni darba f'Lulju, biex ilesti t-tpinġijiet tiegħu u jagħti lekċer ad hoc lill-viżitaturi. Huwa qatta' sigħat jitkellem mal-udjenza u jispjega d-dinja maħluqa fit-tpinġijiet tiegħu.
Wara li analizza t-temi tal-wirja tal-kartellun u wara li żar il-wirja personalment, Dan Perjovschi, artist pro-Ewropew iżda wkoll artist kritiku soċjali, politiku u ekonomiku, beda jpinġi immaġnijiet inċiżivi, intelliġenti u li jistimolaw il-ħsieb u li jiddjalogaw mal-kartelluni fil-wirja.
L-immaġnijiet fil-gallerija tal-media hawn taħt juru r-rabta bejn iż-żmien u l-ispazju, minn kartelluni storiċi għal tpinġijiet attwali mill-artist.
