Żogħżija Bla Kwiet
Int u tikber fl-Ewropa, mill-1945 sal-lum
F’dawn l-aħħar 70 sena, iż-żgħażagħ fl-Ewropa nbidlu u minn grupp li kien jara l-istorja tiegħu isseħħ, saru grupp li jsawwar l-istorja. Din il-wirja tagħti ħarsa lejn erba' ġenerazzjonijiet ta’ żgħażagħ li għexu f’mumenti ewlenin fl-istorja Ewropea: l-aħħar snin tal-erbgħinijiet, is-sittinijiet, it-tmeninijiet u s-snin elfejn. Il-wirja tesplora l-esperjenzi ewlenin taż-żgħażagħ; mill-edukazzjoni u l-impjieg, sal-ħolqien tal-identità u l-esperjenza tal-imħabba.
Dawn l-esperjenzi huma inevitabbilment influwenzati mill-politika, is-soċjetà, il-kultura u l-ekonomija tal-era. Iż-żgħożija f'soċjetà għanja u libera hija differenti ħafna minn żgħożija immarkata mill-faqar jew mill-oppressjoni politika.
Fl-Ewropa, iż-żgħażagħ għażlu li jinqatgħu mill-valuri tal-ġenituri tagħhom u jqisu lilhom infushom bħala ġenerazzjoni distinta — "il-ġenerazzjoni tiegħi". Huma ħolqu l-kultura tagħhom b'sett ta' valuri tagħha; il-valuri li ż-żgħażagħ kienu lesti li jiġġieldu u saħansitra jmutu għalihom.
Iżda filwaqt li din il-wirja hija dwar iż-żgħażagħ, mhijiex għaż-żgħażagħ biss. Kollha kemm aħna konna żgħażagħ xi darba, u għad li ż-żgħożija taħrabilna, qajla ninsewha.
Gallerija ta' Filmati 1 – l-oġġetti u l-istorja tagħhom
Oġġett mogħti lil Dar l-Istorja Ewropea mit-taqsima Olandiża tal-Proġett AIDS Memorial Quilt.
Stampa tiswa elf kelma. Skopri kif is-suldat Olandiż Flip Peeters spjega l-esperjenzi tiegħu fil-gwerra kolonjali kontra l-Indipendenza Indoneżjana (1948–50) permezz ta' illustrazzjonijiet grafiċi fl-ittri u fid-djarju tiegħu. Id-djarju kien jinsab għall-wiri fil-wirja temporanja tagħna "Żogħżija Bla Kwiet".
Juan Busquets ingħaqad mal-Maquis – ir-reżistenza armata kontra r-reġim tal-Ġeneral Franco – fl-età ta' 21 sena. Hawnhekk huwa jispjega l-istorja wara l-kariljon magħmula bl-idejn li huwa sellef għall-wirja temporanja "Żogħżija Bla Kwiet"
Il-proċess tal-installazzjoni tal-wirja temporanja tagħna "Żogħżija Bla Kwiet" li tagħti titwila lejn erba' ġenerazzjonijiet ta' żgħażagħ li saru adulti f'mumenti kruċjali tal-istorja Ewropea: l-aħħar tal-erbgħinijiet, is-sittinijiet, it-tmeninijiet u s-snin elfejn.
Gallerija ta' Filmati 2 – l-oġġetti u l-istorja tagħhom
Intervista ma' Terje Toomistu, kollettriċi u riċerkatriċi privata
Iż-żgħażagħ Ewropej għamlu donazzjonijiet ta' oġġetti minn protesti dwar it-tibdil fil-klima, fosthom kopja ta' diskors ta' Greta Thunberg, banners ta' protesta u "soup suits" tal-plastik. Dawn tpoġġew f'wirja speċjali konnessa mal-wirja temporanja tagħna dwar "Żogħżija Bla Kwiet".
Skopri l-attiviżmu taż-żgħażagħ ta' Zurich fil-protesti matul it-tmeninijiet permezz tar-ritratti ta' Olivia Heussler. Għażla tar-ritratti tagħha jinsabu għall-wiri fil-wirja temporanja tagħna "Żogħżija Bla Kwiet", fit-taqsima "Bejn id-disprament u tama".
F'dawn l-aħħar 70 sena, iż-żgħażagħ fl-Ewropa nbidlu u minn grupp li kien jara l-istorja tiegħu isseħħ, saru grupp li jsawwar l-istorja. Esplora l-erba' taqsimiet tal-wirja f'dan il-filmat promozzjonali.
Il-Ġenerazzjoni Silenzjuża tal-Ewropa?
It-Tieni Gwerra Dinjija kienet trawmatizzat profondament liż-żgħażagħ u lill-familji tagħhom. Tilfu lil persuni li ħabbew jew ġew mifruda minn xulxin filwaqt li l-infrastrutturi tal-ħajja ta' kuljum ġew meqruda. F'xenarju ta' skarsezzi u nuqqasijiet, iż-żgħażagħ baqgħu għaddejjin bil-ħajja ta' kuljum tagħhom. Ilbiesi tat-tieġ magħmula mill-ħarir tal-parachutes u kejkijiet tat-tieġ tal-kartun jissimbolizzaw it-taqbida biex jinħoloq sens ta' stabbiltà u normalità.
Sfortunatament, it-tmiem tal-gwerra mhux dejjem kien ifisser it-tmiem tal-vjolenza u l-paċi għal kulħadd. Il-kunflitti fil-forma ta' gwerer u movimenti ta' oppożizzjoni komplew f'ħafna pajjiżi. Minflok ma gawdew il-libertà li tant kienu ilhom jixtiequ, iż-żgħażagħ reġgħu ntlaqtu mill-vjolenza u minn kastigi ħorox. F'reġimi Komunisti li kienu għadhom kif ġew stabbiliti fl-Ewropa tal-Lvant, iż-żgħażagħ issieħbu f'għadd ta' movimenti ta' reżistenza, kemm paċifiċi kif ukoll armati.
Kien qed iġorr is-serrieq fuq dahru waqt attakk għal għarrieda. Kokk intlaqat, iżda s-serrieq waqqaf il-bullet u ma ġralu xejn. Madankollu, fl-1949 Kokk ġie ddeportat fis-Siberja, fejn miet.
Fil-perjodu wara l-gwerra, kienet għadha ma teżistix kultura speċifika taż-żgħażagħ fl-Ewropa. Madankollu, il-kulturi emerġenti taż-żgħażagħ influwenzati mill-Amerika attiraw għadd kbir ħafna ta' żgħażagħ Ewropej li xtaqu jesprimu l-individwalità tagħhom u l-oppożizzjoni tagħhom għall-konformiżmu tas-soċjetà. Tfaċċaw sottokulturi differenti kważi f'kull pajjiż: Teddy Boys u Rockers fir-Renju Unit, Blousons noirs fi Franza, Teppisti fl-Italja, Nozem fin-Netherlands, Halbstarken fil-Ġermanja, Bikinarze fil-Polonja, Jampecok fl-Ungerija, Malagambisti fir-Rumanija, Potápkas jew Páseks fiċ-Ċekoslovakkja, u Stilyagi fl-Unjoni Sovjetika.
L-awtoritajiet fil-Lvant u fil-Punent kienu allarmati minħabba ż-żieda fis-sottokulturi taż-żgħażagħ. Il-gvernijiet u l-pulizija kkunsidraw dejjem aktar lil dawn iż-żgħażagħ bħala hooligans u delinkwenti minorenni, u ppersegwitawhom minħabba l-apparenza tagħhom.
Iż-żgħażagħ u l-movimenti taż-żgħażagħ Ewropej esprimew ix-xewqa tagħhom ta' paċi, li setgħet issir realtà biss bl-azzjoni tagħhom lil hinn mill-fruntieri nazzjonali. Iż-żgħożija kienet rappreżentata bħala xi ħaġa sabiħa, b'saħħitha, u – bis-simboli tal-paċi – magħquda f'livell internazzjonali fil-ġlieda għal-libertà. Ġew organizzati kampijiet taż-żgħażagħ u laqgħat taż-żgħażagħ internazzjonali madwar l-Ewropa kollha bħala mezz ta' rikonċiljazzjoni wara l-gwerra.
Il-Gwerra Bierda biddlet din is-sitwazzjoni hekk kif id-dominju Sovjetiku ħakem l-Ewropa tal-Lvant, filwaqt li iżolaha u fixkel l-iskambji internazzjonali. Iż-żgħożija u ż-żgħażagħ saru arma fundamentali fil-gwerra propagandistika bejn il-Lvant u l-Punent.
Ġenerazzjoni Rivoluzzjoni
Mużika u moda fis-sittinijiet
Il-moda tirrifletti l-bidla soċjali fis-sittinijiet
Scooter Sovjetiku Vyatka VP150
Ġakketta tas-suede kannella milbusa minn John Lennon (1940-1980) waqt ir-recording tal-album "With the Beatles" fl-1963.
Bejn Disperazzjoni u Tama
Ir-rata għola ta' qgħad fost iż-żgħażagħ wasslet biex ħafna minnhom jistudjaw iktar fit-tul u jissetiljaw aktar tard fil-ħajja. Il-frustrazzjoni kienet qed tikber ukoll fl-Ewropa tal-Lvant, fejn iż-żgħażagħ ma tantx kellhom opportunitajiet biex javvanzaw f'sistema Komunista li kienet qed tfalli. Bdiet tintuża espressjoni komuni fil-mużika taż-żgħażagħ, jiġifieri "No Future" (Ebda Futur). L-istaġnar ekonomiku, kulturali u politiku ispira genres u sottokulturi ġodda. Il-Punk, pereżempju, kellu l-għan li jixxokkja u joffendi, filwaqt li jikkritika s-soċjetà kontemporanja u l-istil ta' ħajja fl-Ewropa kollha.
Fl-1980/81, faqqgħet mewġa ta' protesti fit-toroq, okkupazzjoni u ġlied vjolenti mal-pulizija. Iż-żgħażagħ ma kinux sodisfatti bis-sistema ta' dak iż-żmien, iżda ma kinux kapaċi jsibu alternattiva.
Il-qgħad u t-tensjonijiet razzjali u reliġjużi wasslu wkoll għal konfrontazzjonijiet li fihom inxtered id-demm, u ħafna drabi kienu involuti ż-żgħażagħ.
Fil-Lvant, iż-żgħażagħ kienu aktar preokkupati dwar il-paċi, il-libertà u d-drittijiet tal-bniedem. Eventwalment, saru strumentali fil-moviment għar-riforma u l-awtonomija.
Sal bidu tat-tmeninijiet, kien jidher li l-bidliet imwiegħda mir-rivoluzzjoni sesswali kienu waslu biex jitwettqu. Il-kontraċezzjoni kienet dejjem aktar disponibbli u n-nisa kisbu aktar kontroll fuq deċiżjonijiet li jaffettwaw lil ġisimhom. Iż-żgħażagħ Ewropej kien qed ikollhom relazzjonijiet sesswali aktar kmieni u qabel iż-żwieġ. Is-sess każwali kien aċċettat aktar miż-żgħażagħ, kemm mill-irġiel kif ukoll min-nisa. L-omosesswalità saret aktar viżibbli. Ir-relazzjonijiet sesswali ma baqgħux jitqiesu bħala xi ħaġa kkumplikata. Madankollu, l-AIDS biddlet b'mod radikali l-ħajjiet u l-attitudnijiet fil-konfront tas-sesswalità.
Il-professjonisti urbani żgħażagħ – yuppies – kienu r-"rebbieħa" tal-irkupru ekonomiku tat-tmeninijiet, u wrew is-suċċess tagħhom f'kull qasam ta' ħajjithom. Il-video tal-mużika, iperviżiv u kummerċjali, enfasizza ż-żieda fl-internazzjonaliżmu u fl-importanza mogħtija lid-dehra ta' persuna tal-kultura taż-żgħażagħ. Sal-bidu tad-disgħinijiet, il-mobbiltà fl-edukazzjoni u fl-impjiegi, flimkien ma' standards tal-għajxien jitjiebu u mat-tmiem tad-diviżjoni politika, ħolqot immaġni taż-żgħażagħ Ewropej li kienet kemm kożmopolita kif ukoll waħda li tħares 'il barra.
Ġenerazzjoni Jien?
#Taqsima protesti tas-snin 2000
Ċarġer tal-mobile Biootech